Գովազդի մշտադիտարկման հետազոտություն

Ինչպե՞ս կարելի է հավաստիանալ, որ ձեր կազմակերպության գովազդն իրական ազդեցություն է գործում: 

Գովազդի գնահատման հետազոտությունը գովազդային արշավների ազդեցության վերաբերյալ հետազոտական տվյալների հավաքագրման գործընթացն է: Գովազդի շարունակական գնահատման շնորհիվ ընկերությունները կարող են տեղեկանալ, թե ինչպես են սպառողներն առնչվում գովազդի հետ, արդյունքում՝ փոխակերպելով և օպտիմալացնելով գովազդի հեռարձակման գործընթացները: Մասնավորապես,  հետազոտության միջոցով հնարավոր է բացահայտել, թե որքանով է գովազդը արդյունավետ ուղերձների հաղորդակցման և տարածման ուղիների համապատասխանության տեսանկյունից:
 
Մեր ընկերության կողմից իրականացվող՝ գովազդի մշտադիտարկման հետազոտությունն օգնում է.

• Չափել գովազդի մտաբերումը, ճանաչելիությունը, հաղորդագրության ընկալումը, գնման մղելու կարողությունը,  գրավչությունը և այլն
• Ավելի լավ հաղորդակցվել թիրախային խմբի հետ և ուղղել վերջինիս համար մշակված ուղերձներ
• Բացառել այն տարածման ուղիները, որոնք արդյունավետ չեն աշխատում, կրճատել դրանցից առաջացող ծախսերը
• Վստահությամբ որոշումներ կայացնել գովազդային բյուջեի ծախսման ուղղությունների վերաբերյալ